بستفزك

بستفزك بـــــــالغياب وبــــــــالعتاب
لين أشوفك في جنون وفــــــي ظنون

راح أعذّب خـــــــــافقك والله عذاب
راح أخلّي عيشتك هـــــــــم وشجون

ومن أشوف إحساسك المغرور ذاب
بعتذرلك وبرجـــــــــع الخل الحنون

المصيبه لك غلا فـــــــــوق السحاب
واللي أدهى إنته عندي مــــــــاتهون

ولو على إيدك يموّتنــــــــــــي الغياب
راح أردد هو غرامـــــي وهو يمون

أدري هجره يفقد العقل الصــــــواب
وأدري غدره يشعل الخــــافق جنون

عش حياتك بالسعـــــــــــــاده لاتهاب
دام حبك ساكن(ن) وســــــــط العيون

إيه أحبك بلا ســـــــــــؤال ولا جواب
إيه أحبك والخلايـــــــــــــــق يعرفون

حبك أكبر مــــــــــن عدد رمل التراب
حبك أطهر من ندى فـــــــوق الغصون

ياسمين* العمر مــــــــن دونك سراب
والحياة بدونك أشبه بـــــــــــــالسجون

وين أبرحل والمـــــــــدى دونك ضباب
وين أبرحل والمـــــــــــــدى كله سكون

لايغـــرك ها الغيــــاب وها العتـــاب
ولايعاني خافقك هــــــــــــــــــم وشجون

بس أنا حبيت مـــــــــــــــــن هذا العذاب
إني أشوفك في جنـــــــــــون وفي ظنون


نآاالت إعجابي..

صح بدنك

الكنق